میں چاہوں

میں چاہوں تو توڑ بھی لاٶں

فلک سے چن کر چند ستارے

رکھوں میں پھر ان کو سجا کر

خوابوں کی نگری میں جا کر

میں چاہوں تو اُڑوں پنچھی بن کر

پَروں کو کھولوں اور سمیٹوں

میں سیر کروں پھر دنیا کی

اور دیکھوں ہلچل دنیا کی

میں چاہوں تو بن کر جل مچھلی

چلاٶں پاٶں سمندر میں

چیروں لہریں سمندر کی

اور دیکھوں رعنائی پانی کی

میں چاہوں تو بن کر ریت اُڑوں

اور بکھروں گرم سے صحرا میں

یوں اُڑتی پھروں میں ریت کے سنگ

اور دیکھوں ریت کی دنیا کو

میں چاہوں تو پہاڑوں میں گم ہو جاٶں

اور خود کو وہاں کا پتھر کروں

دیکھوں چشمے بہتے ہوئے

پھر دیکھوں خدا کی قدرت کو

میں چاہوں تو میں یہ کر سکتی ہوں

نا ممکن کو ممکن کر سکتی ہوں

جب خود کہا ہے اللہ نے

نہیں نا ممکن کچھ بھی دنیا میں

میں چاہوں تو سب کر سکتی ہوں

اپنے حوصلے سے سر کر سکتی ہوں

میرا صبر ہی میری طاقت ہے

میں چاہوں تو سب کر سکتی ہوں

~ ثناء گلزار